सांगली दिनांक ४ डिसेंबर २०२५ भांडीपेटीतील निकृष्ट दर्जाची भांडी,बायोमेट्रिक पूर्ण करूनही भांडी न मिळणे, कामगार नोंदणी व नूतनीकरणातील प्रचंड विलंब, घरकुल व इतर लाभांचे अर्ज प्रलंबित,कॉन्टॅक्टरची दादागिरी आणि पुणे कार्यालयाकडून होत असलेली निष्क्रियता या गंभीर प्रश्नांवर आज सांगली येथे बहुजन संघटित कामगार संघटना निळा बावटा कामगार व रिपब्लिकन सेना सांगली जिल्हा यांच्या संयुक्त विद्यमाने जोरदार आंदोलन छेडण्यात आले. निकृष्ट भांडी,नोंदणीतील विलंब,घरकुल अर्ज प्रलंबित कामगार न्यायासाठी शंकरदादा माने यांचे रणशिंग! कामगारांचा न्यायधोरणासाठी सांगलीत जंगी मोर्चा निळा बावटा आणि रिपब्लिकन सेना एकत्र! कामगार हक्कांसाठी सांगली पेटली डॉ.शंकरदादा माने आणि पदाधिकाऱ्यांचा तीव्र संघर्ष! सांगलीत हजारोंचा न्यायनाद ‘निळा बावटा’ व रिपब्लिकन सेनेचे संयुक्त आंदोलन कामगारांच्या हक्कासाठी सांगलीत तीव्र आंदोलन ‘निळा बावटा’ व रिपब्लिकन सेनेचे एकत्रित रणघोष!
कामगारांच्या हक्कांसंदर्भातील ९ प्रमुख मागण्यांसह आजचे आंदोलन अत्यंत शांततामय पण तीव्र झाल्याचे चित्र होते. “कामगारांचा हक्क-आमचा संघर्ष”, “न्याय नाही तर आंदोलन निश्चित”, “निळा बावटा- न्यायाची हमी” आणि “रिपब्लिकन सेना- अत्याचाराला ठाम प्रतिकार” या घोषणांनी परिसर दुमदुमून गेला.
कामगारांच्या प्रमुख मागण्या
– निकृष्ट भांड्यांची चौकशी करून जबाबदारांवर कारवाई
– बायोमेट्रिक पूर्ण केलेल्या सर्व कामगारांना तत्काळ दर्जेदार भांडी वितरित करणे
– कॉन्टॅक्टरची दादागिरी थांबवून कायदेशीर कारवाई
– सर्व प्रलंबित नोंदणी/नूतनीकरण १५ दिवसांत पूर्ण करणे
– शिष्यवृत्ती, साधनसामग्री, वैद्यकीय व अपघात सहाय्य यांचे अर्ज तात्काळ निकाली काढणे
– वर्षानुवर्षे प्रलंबित घरकुल अर्जांची तपासणी करून पात्रांना मंजुरी
– पुणे कार्यालयाकडे पाठवलेले सर्व अर्ज तातडीने सांगलीत मागवून स्थानिक स्तरावर निर्णय घेणे
✦ आंदोलनाचे नेतृत्व व उपस्थिती या आंदोलनात खालील मान्यवर पदाधिकारी उपस्थित होते.डॉ.शंकरदादा माने संघटनाप्रमुख व रिपब्लिकन सेना जिल्हाध्यक्ष,शहाजी केंगार (प्रदेशाध्यक्ष),संतोष वानखडे (प्रदेश उपाध्यक्ष), संदीप धुमाळ (पश्चिम महाराष्ट्र अध्यक्ष),राखी शिंदे (जिल्हा महिला अध्यक्षा),बापूसाहेब करडे (जिल्हाध्यक्ष), आकाशवाणी काटे (तालुकाध्यक्ष) तसेच सिद्धनाथ माने,आकाश लोंढे,सविता माने, रेश्मा वानखडे,अमर माने,जालिंदर मोहिते, सुभाष मराठे,प्रीती दबडे,अमोल कांबळे, प्रज्ञा गायकवाड आणि इतर पदाधिकारी मोठ्या संख्येने उपस्थित होते.कामगारांच्या न्यायासाठी हे आंदोलन लढाऊ पद्धतीने पार पडले असून,पुढील काळात मागण्या मान्य न झाल्यास आंदोलन आणखी तीव्र करण्याचा इशारा पदाधिकाऱ्यांनी दिला.